Avis eta Alba bikotea ibaiko zurrunbiloaren misterioa argitu nahian dabilen bitartean, Nara ile urdinxkako neska ilargian dago bere androide laguntzailearekin. Hark ere zurrunbiloa behar du. Avis bere misterioak argitzeko zorian dabilela dirudi, baina Albak laster ikusiko du gauzak gutxitan izaten direla errazak.
Avis inoiz baino okerrago dago, oroimena zeharo galduta.Gauzak okertzeko, Alba bahitu egin dute. Adiskide berrien laguntza behar-beharrezkoa da. Nekea handia da eta gauzak behingoz betiko argitu beha
Planeta urrun bateko neskarik bereziena eta bi mutilik bitxienak, Lur planetako gizakien etorkizun iluna alda dezaketen bakarrak dira. Noiz eta nola ez dakiten arren, gorputz-arimez bat egin beharko dute eta eguzki sistemak zeharkatu, androide jator baten laguntzarekin.
Mendebaldeko Europan gaude, nonbaiteko ospitale psikiatriko batean...Mendebaldeko Europan gaude, nonbaiteko ospitale psikiatriko batean. Han sartu dute Selene, bere burua banpirotzat jotzen duen neska gaztea. Selene ez da ezertaz oroitzen, ez nor den, ez zer lanbide zuen, ez nongoa den, baina banpiroa dela sentitzen du; hori oso garbi dauka, egun argitan inongo arazorik gabe ibil daitekeen arren. Baina azkenaldian euria ari du barra-barra, beti lainotuta dago, eta Selenek badaki eguzkia indartsu jotzen hasten denean arazoak izango dituela. Horregatik, egun hori iritsi aurretik, bere buruaz gehiago jakin beharra dauka. Eta horretarako, arkatza eta agenda bat eman dizkio Mikelek, erizain edo"erozain"ilegorri misteriotsua k. Bitartean, kanpoan, Anna inspektorea hainbat neska gazteren hilketak ari da ikertzen.
Itziarrek bere bizitzako ametsa betea du: idazlea da eta gazteek gogoko dituzten liburuak argitaratzen ditu. Gazteak ez dira, ordea, irakurtzen dioten bakarrak. Nahikoa izango da Fermin bezalako gizon heldu batengan piztutako miresmena, idazlearen ametsa amesgaizto bihurtzeko.
Oscar Wilderen Dorian Grayren erretratua eleberri famatua hiru ikuspegi biltzen dituen idazlana da: betiko gaztetasunaren inguruko gogoeta du muin, dandismoak apaindutako misteriozko narrazioa da eta armairuan idatzitako eleberri gaya da. Baina Wilderen garaiko gizartea gaur egungo gurearen antzekoa izan balitz, nola idatziko zukeen idazleak eleberria? Erantzuna agerikoa iruditzen zaigu: oso bestela. Menturaz, egiazko gay nobela idatziko zukeen. Aitor Aranak irlandarraren idazlana hartu eta idazlea libre izan balitz liburua nola idatziko zukeen asmatzeko edo proposatzeko jokoan jolas egin du. Eskuartean duzun nobela kitzikagarria da jolas horren emaitza.
Avis galduta dabil hiri ezezagunean, egiten duena zergatik egiten duen ez dakiela. Hilerriko bakearen bila dabil eta, zenbaitetan, hilda dagoela pentsatzen du. Zorionez Alba jatorra aurkituko du, eta hark gauzak argiago ikusten lagunduko dio. Hala ere, Avisen arrastoak ezabatzen dabilela dirudien mutil misteriotsu bat ere tartekatuko da.
Abenturaz eta zirraraz betetako liburua da. Gure planeta izozturik dago, eguzkirik gabeko gau luzean, eta bizirik geratu diren gizaki bakarrek ez dute itxaropen handirik. Elurrak eta izotzak estalitako hiri zahar baten erraietan, hiru lagunek ihes egiteko bidea bilatuko dute, borroka eta maitasun artean
Truman
