Anxo Tarrio Varela

Este volume reúne escolmas de traballos de crítica literaria, preferentemente referida a obras e mais autores galegos, do profesor compostelán Anxo Tarrío. As súas primeiras investigacións centráraas xa nun autor galego (Analise semioloxica da lingua de Anton Tovar, 1972, Tese de Licenciatura), e adicase dun xeito sistematico a literatura galega desde o ano 1981, data do seu ingreso na Facultade de Filoloxia de Santiago. Froito desa adicacion son numerosos artigos (dos que aqui se amosa unha seleccion) publicados en xornais e revistas de dentro e fora de Galicia, asi como moitas conferencias que pronunciou, asi mesmo, dentro e fora da Peninsula Iberica.

Este novo libro de Anxo Tarrío é o froito dunha ducia de anos dedicados ó ensino, crítica e reflexión sobre o feito literario galego e de moitos máis de preparación no apaixonante campo da Lingüística, a Semioloxía, a Teoría da Literatura e a Literatura Comparada. Na cadea de manuais historigráficos da que xa pode presumir a cultura galega, e da que o autor se confesa debedor, a presente publicación ofrece algunhas novidades de interese no que se refire ó punto de vista e á metodoloxía adoptados e tamén pola maneira de amosar ó lector, con claridade expositiva e paso a paso, dende as súas manifestacións na Idade Media ata os nosos días, o proceso de formación dunha literatura que sempre rexurdiu mellorada gracias ó esforzo entusiasta duns poucos homes e mulleres que non perderon a súa profunda confianza nas posibilidades expresivas e estéticas do idioma galego. A información bibliográfica que acompaña a estas Aportacións, froito de numerosas e atentas lecturas, de seguro servirá para atallar moitos camiños á futura investigación e docencia da literatura galega. Pero quizais sexa a peculiar mestura de rigor e seriedade analíticos, con clara vocación de amenidade interpretativa, o que lle preste a este libro a súa dimensión máis salientable.