Lur Gallastegi Zendegi

Violeta eta Luna, Claudia eta Daniela ama-alabek familia bat osatzen dute Inaxirekin batera. Elkarrekin bizitzen jarri ziren Inaxi gaixotu ondoren. Violetak, ordea, ustekabean bidaia bat egin behar izan du sorterrira, Nikaraguara. Bien bitartean, Lunak Nikaraguako amona ezezagunak berari propio idatzita utzitako koadernoa irakurtzeko aukera izango du. Horrela ezagutu ahal izango ditu neskatilak bere familiaren jatorria eta haren herriaren historia.

Nork ez du inoiz amestu bizitza arrakastatsu bat izatearekin? Izarrek, bere gurasoei esker, musika munduko ekoizle famatu batekin entzunaldia egiteko aukera izango du. Aitaren gogoz kontra, ordea, Joritz ere bertara joan dadin konbentzituko ditu gurasoak eta minutu batzuk utziko dizkio, Fred Jones izeneko ekoizle famatu horren aurrean abesteko. Fred Jonesen aurrean ondo abestuz gero, disko bat grabatzeko aukera ere izan dezake Izarrek. Hau guztia Bartzelonan gertatuko da eta bikoteak egun paregabeak igaroko ditu hiri zoragarri horretan. Gauzak, aldiz, ez dira uste bezala aterako. Zer erabakiko ote du Fred Jonesek? Zer gertatzen da, norbaitek arrakasta beharrean bere burua porrotetik hurbilago ikusten duenean?

Bordelen Eramus bat egiten urtebete egon ostean, Añes aldaturik itzuli da Donostiara. Bertan haren nebak, Beñatek, Gobernuz Kanpoko Erakunde batean egiten du lan etorkinei laguntza ematen. Bordelen ikasitako frantsesa dela eta, nebak eskatu dio interpretari lanak egiteko Boli kostatik etorri berriak diren Lallarekin, hamalau urteko neskarekin, eta haren amarekin. Ama gaixo dago, eta berehala hil da; dena den, hil hurrean Añesek hitz eman dio haren alabaz arduratuko dela. Hori dela eta, behar baino lotura estuago sortu da Añes eta Lallaren artean. Bestalde, Añesek June ezagutu du, haren nebaren pisukidea eta gizarte-zerbitzuetan lan egiten duena. Hiru neskaren istorioak azaltzen dira liburuan, hirurak iraganak markaturikoak.

Ba ote da ezer zirraragarriagorik lagunekin gaua etxetik kanpo ematea baino? Eta zeresanik ez, toki hori itsasargi bat baldin bada eta misterioz josia baldin badago. Abentura ikaragarria biziko dute Basakabiko lagunek, kostaldeko herri batean eta hainbat urtetan gordetako misterioa argituko dute. Umorea, laguntasuna, barre-algarak, baina ezustekoak ere kontatzen dira istorio honetan. Laguntasunak duen indarra argi geratuko da hasieratik bukaerara arte, ilargi beteko gau zoragarri batean, bizi izandako pasadizo honetan.

Haizearentzat uda berezia izango da hau: batetik, gurasoak elkarrekin haserre dabiltzala-eta, nor bere aldetik joango dira oporretan, eta bera izeba Eneritzen etxean geratuko da. Bestetik, izeba Eneritzek Saharako lagun batzuen alaba ekarriko du etxera uda-pasa: Souhaila.Ez da erraza izango Souhaila eta Haizearen arteko harremana, hasieran. Ohitura berriak ikasibeharrari urruntasuna, inbidiak eta abar erantsiko zaizkio. Beste aldetik, baina, zailtasun horiek guztiek lotura estu bat ere sortuko dute neskato bien artean, luzaroan irauten dutenetakoa.

Zurriola Beach Hostel ostatua izango da duela mende bateko bi familien bizipenen agertokia eta haien ondorengo gazte batzuen elkarbizitzaren eta ataka zailen eszenatokia. Gerra batek baldintzatu zituen lehenengoen bizitzak hiriaren turistifikazioak eta etxejabeen lukurreriak bigarrenak. Jakin-mina piztu eta bukaeraraino eusten dion trama korapilatsu batean nahasita daude guztiak.

Leku zoragarria izan daiteke jolas-parkea. Basakabiko lagunak, Gontzalek irabazitako lehiaketa bati esker, Europako jolas-parkerik handienera joango dira. Jolas-parkea lau eremutan banatuta dago: Uraren eremua, Suaren eremua, Haizearen eremua eta Lurraren eremua. Beldurraren etxea da bertako atrakziorik famatuenetarikoa, eta ez da gutxiagorako izango, haietako bat bahituko baitute bertan. Asteburu ederra izan behar zena, amesgaizto bihurtuko da Basakabiko lagunentzat. Lortuko al dute denek onik ateratzea?

Mundu osoan da ezaguna Veneziako inauteria. Oraingo honetan, Oihane eta Boskoren sukaldaritza lanak direla medio, bertara joango dira Basakabiko lagunak, afari garrantzitsu batean zerbitzatzera, hiriko opera jauregian. Baina dena ez da uste bezala aterako. Norbaitek opera kantari bat pozoituko du, eta maskara baliotsu bat lapurtuko dio. Nor ote da hori egin duena, ordea? Denak dira susmagarri, gezurrak, maitemintzeak, traizioak eta nola ez, laguntasuna nagusi den abentura honetan.

Go!azen telesaileko protagonist gazteentzako musika jaialdi batera zihoazen. Maddik ikusi zuen iragarkia, eta Unax bideo bat grabatu eta bertara bidaltzeko konbentzitu zuen. Ikaragarri poztu ziren onartuak izan zirela jakin zutenean. Hainbat herrialdetako gazteekin joko zuten eszenatoki berean. Jaialdia Londoneko parkerik famatuenean izango zen, Hyde Park deiturikoan, hain zuzen. Antolatzaileek lonazko kanpin-dendak jarri zituzten, bertaratutakoek hantxe lo egiteko. Gainontzekoek ere, ez zuten bidaia hura galdu nahi izan. Ordurako, sarrera guztiak agortuta zeuden. Elkarrekin joango dira hegazkinez, baina ez dira elkarrekin egongo Londonen; hamaika abentura pasatuko dute asteburu zoro batean. Azkenean, lortuko al dute jaialdian parte hartzea?

Gasteiz, Bilbo eta New York dira hamahiru urteko Ingeren bizitzan pausaleku izan diren hiriak. Gasteizen jaio zen, Bilbora aldatu behar izan du familiarekin aita hil eta gero, eta New Yorken bere burua ezagutu eta aurrenekoz maiteminduko da. Dantza lehiaketa irabazi ondoren joango da Inge New Yorkera ikastaro bat egitera. Maleta ilusioz gainezka eramateaz gain, amak bere liburuxka bat eramaten utziko dio. Irakurriz ezagutuko du txikitatik ezkutatu izan dioten aita-amaren bizitzako pasarterik gogorrenetako bat: gaztetan, amak poliziak atxilotu eta torturatu egin zuen. Seme-alaben arteko harremanak, lehenengo maiteminak, gaztetako ametsak eta gizarte gatazkak jomugan jartzen dituen istorio eder eta zirraragarria.

Itsas azpiak hainbat sekretu ezkutatzen ditu.Baina beti ez gara horiek argitzeko gai. Askotan, gure herriaren historiako pasarteak ere badira ur artean.Intzak eta haren lagunek uda ahaztezina igaroko dute Donostiako Kontxako badian biziko dituzten abenturei esker.

Garazik eta Izarok ustekabe galanta hartuko dute, aitak esaten dienean uda osoa Senegalen pasatuko dutela, aita erizainak bertako ospitale batean laguntzen duen bitartean. Hasieran dena da berria: jendea, giroa, etxeak, usainak Lagunak egiteak ere ez dirudi erraza bi neskentzat, bertako hizkuntza ezagutu gabe. Hala ere, sorpresa atsegin eta hunkigarriz beterik egongo da Afrikako egonaldi hori.