Olaia Sendón

Olaia Sendón (Ourense, 1978). É licenciada en Comunicación Audiovisual e profesora na Escola de Imaxe e Son da Coruña. É tamén autora de documentais e pezas de videoarte, presentes en diferentes concursos e festivais. Como escritora e ilustradora, en Xerais publicou os álbums ilustrados «A crebeira Marabillas» (2021) e «A fotógrafa Perpetua» (2023), así como a proposta de ortografía visual «Buscaletras» (2026). Coa súa primeira novela, «Nave» (2024), e con «A Casa Grande», foi finalista do XV Premio Jules Verne de Literatura Xuvenil e do XLII Premio Xerais de Novela, respectivamente.