Reimundo Patiño

O álbum gráfico 2 Viaxes, publicado por Xaquín Marín e mais Reimundo Patiño contra o ano 1975, representa o comezo da banda deseñada en Galicia. Foron os pioneros dunha aventura que destaca pola súa orixinalidade e nidia vontade vangardista. Formaron un eficaz tandem artistico. Agora, case 50 anos depois daquel impulso fundacional na banda deseñada, temos a oportunidade, grazas a Fosfatina Ediciones e mais a Editorial Elvira, de ter nas nosas mans de novo esta marabilla. 2 Viaxes son dous relatos visuais independentes, cada un co seu peculiar grafismo pero con puntos de contacto soterrados e que reflicten os ensoñamentos e loitas contraculturais da mocidade daquela. Hoxe mergullados nun mundo de incerteza, as inquedanzas das que xurdiron estas viñetas han topar un dialogo coas novas xeracions.