📗 Libro en euskera BIDAI DOINUA=MELODIA PARA EL VIAJE

Patxi Ezkiagari, bere poesian, meditazio eta otoitz bihurtzen zaizkio lurrari eta izadiari lotutako bere eguneroko bizikizun hurbilak, izaki bizidunek (zaldiek eta hegaztiek, zuhaitzek eta loreek) nahiz berari bizi-bizi agertzen zaizkion bizigabeek (mendiak, haizeak, errekak...) barruan eragiten dizkiotenak.

Horrelako esperientzia espiritualez ehotuta dator Bidai-Doinua / Melodía para el viaje, euskaraz jatorriz eta autore berak egindako gaztelaniazko itzulpenean. 2005ean argitaratu zuen aurrenekoz ez merkaturatzeko edizioan, Pirinio sakonean bizi zen adiskide baten omenetan. Hura bera eskaintzen du bigarren edizio honetan, hango argazkiak kenduta, baina Joxe Ertzibengoaren sarrera berri iradokiorraz hornituta.