📗 Libro en gallego A NOSA TERRA: XORNALISMO E NACIONALISMO POLITICO

A historia de A Nosa Terra é, en boa medida, a historia do galeguismo e, por extensión, a da nación na que se inserta. Porque o fío condutor que dotou de unidade a traxectoria seguida polo xornal, desde os primeiros anos do século XX, nas Irmandades da Fala, co Partido Galeguista, no exilio arxentino e até hoxe, foi a pretensión de construír unha identidade propia. A nación precisaba de voz e o xornalismo de A Nosa terra emprestoulle unha tonalidade propia e independente agora debullada desde o ensaio de Bieito Alonso.