A TROPA CONTRA O VIRUS

Alberto Avendaño residiu 30 anos nos Estados Unidos e, recentemente, regresou a Galicia para seguir escribindo. Como xornalista traballou para "The Washington Post" e recibiu tres Premios Emmy da Academia da TV dos Estados Unidos. Formou parte do Grupo Rompente, xunto a Antón Reixa e Manuel Romón, que revolucionou a poesía galega nos anos da transición á democracia española. Parte da súa obra poética está publicada en castelán e inglés nos Estados Unidos, onde é membro da Academia Norteamericana de la Lengua Española. En literatura para lectores novos, Avendaño conta con dous Premios Barco de Vapor en Galicia.