📗 Libro en gallego CAPITOL, ULTIMA SESION

Un dos escritores galegos que mellor recrean o fascinante mundo do cinema é Miguel Anxo Fernández. Capitol, última sesión achéganos un mangado de historias nas que as salas de cine e as películas forman un universo que acaba por contaxiar a vida dos espectadores.

Historias de cine que forman parte da nosa historia que, coma en Cinema Paradiso, marcan o devalar do tempo. Envexable pulso narrativo e pingadelas de humor, Miguel Anxo percorre a historia cinematográfica do século XX a traves dos filmes que se proxectan no Capitol, un cine dos de antes arredor do cal se tecen vidas e historias tan apaixonantes como as que se proxectan na súa pantalla. Aventura, amor e misterio nun libro de narrativa que conta a historia do cinema dunha maneira imaxinativa e orixinal.
Ao lembrar esas películas de cine que deixan na memoria un pouso de sensaciones e vivencias, Miguel Anxo Fernández explora ese territorio privado no que a fantasía do cinema se mestura coa realidade da vida dando lugar a unha obra narrativa que engaiola e conquista lectores. A mesma fascinación que acontece na sala de proxección trasládaa o autor ás narracións de Capitol, última sesión.