📗 Libro en gallego VIGO ECONOMIA E SOCIEDADE

O reto fundamental para calquera cidade do século XXI é o de facer compatible o seu crecemento urbano coas condicións axeitadas de vida e de traballo para os seus habitantes. No mundo de hoxe, caracterizado polos efectos da globalización e do cambio tecnolóxico, este reto concretízase na consecución dun “desenvolvemento sostible”, enfatizando a necesidade de que as cidades se doten doutros patróns de desenvolvemento que dean conta das necesidades dos cidadáns sen comprometer a capacidade de xeracións futuras para satisfacer as súas. Cómpre afrontar, pois, problemas relacionados coa xestión de residuos, a contaminación atmosférica, as distintas formas de marxinación, a polarización da riqueza, a eficiencia do gasto municipal, etc. Varios autores, coordinados por Xosé H. Vázquez-Vicente, membros das Universidades de Vigo e Santiago e responsables da Administración autonómica, abordan dende esta perspectiva a análise da economía e da sociedade de Vigo e a súa Área Metropolitana.