Arrate Egaña

Hirugarren atal honetan, elur-ekaitz bat dela eta, etxean itxita daude Klarisa Lupabitx detektibea eta K taldeko bere lagunak. Kalera atera ezinik, Klarisa bere haurtzaroa gogoratzen hasi da. Bihotzeko gaitz batek markatu zion garai hura, baina ez zion eragotzi Parisko kanpoaldeko ospitale zahar bateko korridoreetan zebilen mamuaren misterioa ikertzea. Aldi berean, Klarisaren etxean bertan gertatzen ari diren gorabehera estrainio eta enigmatikoek desafio egingo diote K taldearen trebetasunari. Abentura bikoitz liluragarri honetan tartekatzen eta biltzen dira, batetik beldurra, haserrea eta drama, eta bestetik umorea, adiskidetasuna eta baita maitasuna ere.

Denik eta planik aspergarriena edo arruntena, harrigarri suerta daiteke. Jonek ezin zukeen inolaz ere aldez aurretik imajinatu izeben etxeko abentura. Edonon ageri dira ezustekoak eta tupustean jauzi egiten dute, gure bizitzari txiribuelta emateko.

Azkenurriko eskolako gela berezi batek, Barrakoiak, hainbat ikasle txar eta atzerritar jaso ditu. Gela horri buruzko iritzi eta metodo kontrajarriak erakutsiko dituzte eskolako zuzendariak eta Felipe maisuak. Ikasleek hiztegi sekretu bat osatu dute beren hizkuntzetatik hartutako berbez. Horrek eman dio liburuari izenburua. Halako batean, ikasgela berezi horretan Mei agertuko da, neska antisozial eta isila. Baina baita gaitasun bitxi baten jabea ere: gizakiekin komunikatzeko aukera gutxi izanik, zomorroekin hitz egiten du. Trebetasun horrek egoera harrigarriak sortuko ditu. Argumentuak Meiren bizitzaren eta nortasunaren bilakaera kontatzen du, betiere eskola ardatz eta ikaskideak aldi berean kontraste eta koru. Narratzailea Lukas da, Meiren lagun eta mireslea.

Egia obraren istorioa gaur egun gertatzen da, besta giroan, mozorrotuen erdian. Adela andereak, bere urtebetetze egunean, lagunak gonbidatzen ditu eta elkarren artean gai minbera bat aztertzen dute: Elsa beraien terapeuta ohia"Egia" taldean sartuta dagoela, eta hain zuzen, egiaren izenean sekretuak Interneten bidez zabaltzen dituela. Beldurrez daudela, Adelak bere lau lagunei esaten die Elsa ere bestara gonbidatu duela. Elsa etortzen denean, asko hitz egiten dute etikaz, konponbideak bilatzen dituzte bainabakoitzaren tratu proposamenek ez dute arazoa konpontzen. Azken finean, zoritxarreko gertakari batek estaliko du egia.

Zoriontasun izpien bila dabiltza Arrate Egañaren kontakizunetako protagonistak. Beren bizitzak dautzan gristasunetik aterako dituen esku salbatzailearen zain, mirari hori une bateko irudipena besterik ez izan arren.Familiaren abaroan gelditu edo etxetik joan barne tenkan dabiltzan gazteak, bikotean bilatzen zutena aurkitu ezinaz kexatzen diren gizon-emakumeak, beren erdipurdikeria estali nahiz besteen bizitzak banpirizatzen dituzten lagunak...Bost istorio batu ditu Egañak helduentzako bere lehenengo bilduma honetan; kontatzen den historia bezainbat, pertsonaien erretratuak, haien arteko harremanak, bizi duten giroa zaindu ditu, testuari dentsitatea eta aberastasuna emanez, irakurleak geruzaz geruza deskubritu beharko duena.

Peli y Dora, aunque se conocían desde hace poco, decidieron odiarse para siempre. ¿Por qué su padre la habia llevado a aquel lejano y extraño sitio? pensó Peli.

Peli eta Dorak, elkar gutxi ezagutu arren, betiko gorrotzea erabaki zuten. Zergaitik eraman zuen aitak toki urrun eta arrotz hartara?

En esta tercera entrega, una tormenta de nieve mantiene recluido al Equipo K -Klarisa Lupabitx y sus amigos y amigas- en casa de la detective.Allí Klarisa recuerda su infancia marcada por una dolencia en su corazon, circunstancia que no le impidio investigar el misterio de un fantasma que recorria los pasillos de un viejo hospital, situado a las afueras de Paris.Al mismo tiempo, en la casa, se sucederan enigmas y sucesos extraños que pondran a prueba al Equipo K.

Animaliazale izan naiz beti, primeran ulertzen dugu elkar. Zakurren buztanaren mugimenduak ulertzen ditut, baita katuen keinu dotoreak edo behien begirada urrunak ere. Horregatik, ez nuen birritan pentsatu: txitatxo bat nahi nuen.

Ingurumenarekiko kezka azaltzen duten ipuin sail berri bat da. 4 eta 7 urte bitarteko haurrentzako zuzendutakoa da.

Nerabezaroa atzean utzi eta gaztaro betean sartzen ari den neska-mutil koadrila baten inguruan girotu du Arrate Egañak nobela hau. Bizi Taupadak sailaren 11.a. Erritmo bizian kontatua, era askotako gertaerak tartekatzen dira: droga, manifestazioak, sexua, adiskidetasuna edota abortua. Hain zuzen ere, abortua da gertaera giltzarria. Neska protagonistak, Kixmik, ideologia sendo bat dauka, baina abortua gertatzen denean, zalantzak sortzen zaizkio eta amaren herrira itzultzea erabakiko du. Istorioa gau bakar batean gertatzen da, Urtezahar gau batean

Neskatxa batek arazo txiki bat dauka: puzkerral botatzen ditu modu kontolaezinean. Pozik bizi da ordea, inguruak babestua: azken batean, printzesa bat da. Baina egun batean Kurdabitximistango printzea ezagutuko du, eta bere gaitza sendatzea erabakiko. Aurrerantzean bere bizitza aldatuko duten zenbait abentura izango ditu

Goizean ohetik altxatu eta gauean lotaratzen den bitartean umeak egiten dituen kronikatxo bat da. Azken batean, ni naizen guztia: jaiki, gosaldu, erdi-lotan eskolara, gauzak ikasi, jolas-orduan lagunekin jolas egin, eguerdirako gosetuta etxera...

Gau erdian munstro bat topatzea ez da planik onena. Beldurrak bihotza hormatzen dizu. Hala ere, horrelako elkartze ikaragarrietatik sendotxoagoak irten gaitezke, apur bat ausartagoak eta askoz ere nagusiagoak... Munstro izugarriak dabiltza gure ondoan batzuetan. Munstro izugarriak dabiltza gure ondoan, bai.

Ipuin-liburu honetan ez dago mamurik, baina gauzak ez doaz guztiz ondo. Istorio hauetan egunerokotasun nahasia agertuko zaio irakurleari; elementu fantastikoek desitxuratuko dute errealitatea istant batean. Unibertso honetan, pertsonaia guztiak dira ongi etorriak: saguei higuina dien zientzia ikerlaria, estralurtar arrosak ezagutu dituen gaztea, Mexikoko presondegi batean agertutako dokumentu bitxiak aztertuko dituen euskalduna, tabernako bezeroen elkarrizketak nahigabe entzuten dituen zerbitzaria, erlikiak aurkitzen dituen emakume-santa boteretsua, auskalo zeretik iheska doan korrikalaria, eta mendeku bila dabilen emakume taldea.

Oroitzapen gogaikarri bat atzean uzteko beharra duen preso ohia. Aitaren hileta-elizkizuna fede-krisi betean dagoen apaizaren esku utzi nahi duen andre ateoa. Leihotik ikusten duen neskatxa batenganako obsesioak jotako atsoa. Ehiztariek utzitako hondakinak garbitzeko ardura hartu duen neska parea. Iktus bat izan ostean azkenekoa izan litekeen bidaia aspergarria abiatu duen emakumea. Irakasle ohi batekin topo egitean nerabezaroko maitasun-istorio bat berpizten zaion gaztea. Fikzio-adikzioak pasadizo ero batean murgildu duen emakumea. Ezusteko albiste ilun batek argira daramatzan hiru andre.

-Hori herri guztiak daki. Orain dela hiru urte, zure aitonaren sorbaldatik erori zinen eta kolpe bat hartu zenuen buruan. Zu itsu gelditu eta Julianek herritik alde egin zuen. Zurrut luze bat ematen dio izozkiari. Berta harrituta gelditu da, inork ez baitio itsutasunaz naturaltasun horrekin hitz egiten, ezta istripu hartaz ere. Bai, horrela gertatu zen: aitonaren sorbaldetatik erori eta dena betirako ilundu zen. Gero aitonaren negarrak entzun zituen, baita familia osoaren negarrak ere. Hilabete pare bat geroago aitona desagertu egin zen. Berta itsuaren istorio hunkigarria.

Nikok lehenengo etxeko giltza eskuratzean poz handia hartu du, horrek askatasuna eta heltzeko aurrerapauso bat ekarriko diolakoan. Baina gauzak ez dira guk espero bezalakoak izaten, eta etxeko atea giltza berriaz irekitzean ezusteko harrigarriak topatuko ditu. Bestalde, gertatzen zaizkion kontu bitxietan murgiltzeko giltzarik gabe topatzen du bere burua