Francisco Fernández Rei

Ramón Cabanillas, o «poeta arelado», é o centro de case todos os textos deste libro do profesor Francisco Fernández Rei (21 éditos e 9 inéditos) sobre a memoria de Cambados e, particularmente, a súa

¿Cantos galegos hai? ¿Qué variantes realmente representativas caracterizan as distintas áreas xeográficas da lingua que falamos? ¿Existen dialectos no galego ou todo é unha unidade plural? ¿Qué clase de relacións ou interferencias establece o noso idioma con outras linguas veciñas? A estas outras cuestións dáse cumprida resposta nas páxinas deste libro, que son o resultado de máis de quince anos de investigación sobre a lingua oral, dende que en novembro de 1974 empezaron no Instituto da Lingua Galega os traballos para a elaboración do primeiro Atlas Lingüístico de Galicia. Francisco Fernández Rei é o coordenador e redactor do primeiro volume, adicado á Morfoloxía Verbal, e dende entón converteuse na nosa principal autoridade nestas cuestións. Dialectoloxía da lingua galega, o primeiro dos nosos MANUAIS universitarios, propón ó lector un exame completo e documentado da realidade viva do idioma a partir da súa riqueza e da súa diversidade, avaliada por unha extensa investigación de campo.

Carlos Díaz Martínez recolleu no presente volume oitenta documentos, a maior parte deles tarxetas postais publicadas entre 1900 e 1930, que permiten a recuperación da memoria gráfica do concello de Cambados. Testemuños de grande calidade na fotografia e na impresion que facilitan un percorrido polo variado patrimonio historico e monumental desta vila mariñeira, dende o magnifico pazo barroco de Fefiñans e a praza do Mercado, o entorno da praza da igrexa de Santa Mariña de Ozo, a praza do Concello, o paseo da Calzada, o pazo de Montesacro, o peirao de San Tome, ata os labores mariñeiros nos peiraos. Percorrido visual que se completa coa reproducion de imaxes do entorno vilego, como o mosteiro de Meis, os muiños de Tragove, a Ponte Arnelas ou diversas paisaxes sobre a ria. O volume iniciase co ensaio, "A memoria daquel Cambados mariñeiro, fidalgo e soñador", escrito polo academico Francisco Fernandez Rei. Testemuño que reconstrue a historia desta fermosa vila deitada ao sol, inzada de referencias literarias a Fermin Bouza Brey ou Ramon Cabanillas, entre outros. Velai un percorrido exhaustivo, enchido de memoria familiar e erudita polo Cambados fidalgo e eclesiastico, polo Cambados ostreiro, polo Cambados mariñeiro, polo Cambados culto e soñador, polo Cambados da "primavera do 36" e polo posterior da "traxica falta de luz". O volume completase coa catalogacion das pezas documentais e coa reproducion dos poemas "Diante do mar de Cambados" de Fermin Bouza Brey e "A Calzada de Cambados" de Ramon Cabanillas.