Mentres pasea, Don Martiño atoparase cunha vaca, unha gata ou unha rata, pero os berros dos animais asustarano e acabará agachándose dentro dunha lata. O neno pode crear o seu propio conto, xa que a obra lle ofrece a posibilidade de optar por diferentes vías e ir creando unha historia distinta cada vez que le e escolle os variados debuxos.
Vivir nunha cidade grande leva implícito ter que superar algúns problemas e un deles é o de ter que aturar un gran volume de tráfico. Para afrontalo debemos observar un comportamento cívico e respectuoso cos demáis e ter un coñecemento das normas de tráfico. Ese é o único xeito de asegurar unha convivencia o máis agradable posible.
"Unha vella e un vello", versión libre dun conto popular tradicional, xoga cunha sucesión de ideas encadeadas para narrar unha historia onde diversos animais e obxectos se suceden ao longo das páxinas, buscando que os cativos traballen as súas capacidades nemotécnicas e introducíndoos, ao mesmo tempo, na vida real.
Dous irmáns, neno e nena, dormen no seu cuarto. É noite pecha... o rapaz esperta de súpeto e cóbrese coas sabas porque ten medo. Unha gran cidade, o silenc
