Alferra da Joxeme: gauza guztien gainetik ohean gelditzea gustatzen zaio, ezer egin gabe. Baina atzetik ditu beti helduak, hau eta hori egiteko aginduz. Joxemek, orduan, ohelikopteroa asmatuko du, ohetik mugitu gabe edonora joateko, eta era guztietako abenturak biziko ditu, munduko bazter guztietan.
Aisha, Aiora eta Ane, futboleko lagunak dira, guztiz desberdinak itxuraz eta izaeraz, baina adiskide onak. Entrenamendu eta partiduetatik kanpo, hala ere, bakoitzak du bere bizitza, bere historia eta bere arazoak, istorio hau irakurriz deskubrituko dugun bezala.
Hala dio liburu honetako pasarte batek, amaiera aldean (138. or.): Liburu honetan ere, norberaren munduaren adierazpenarekin edo egolatria ttantta batzuekin batera, honelako uste bat dago sakonean: bizitzaren zertzelada guztiz diferenteen azpitik edo gainetik oinarrizko parametro batzuetan gizon-emakume guztion sentipenak direla funtsean berdintsuak; parametro horien artean dago noski norbaiten seme edo alaba izatea, norbaiten biloba, non edo non izatea sustrai edo jatorri bat, dela egiazkoa dela amestua... Leihotik begira jarri da egilea. Bere etxeko sukaldeko leihotik ikusten denari begira hasi eta, hortik abiatuta, hainbat gogoeta, oroitzapen, pasadizo eta irakurketa harilkatu ditu.
Beñatek arrebatxo bat eskatu ohi dio Olentzerori urtero, baina, horren ordez, beste opari bat ekartzen dio beti: tren elektrikoa, baloia, banpiroen mozorroa… Aurten, ordea, gauzak desberdinak izan
Txiki-txikia nintzenean, dena nekien nik. Banekien eguzkia nondik sortzen zen eta nondik ezkutatzen. Banekien masusta gozoenak non biltzen ziren. Banekien gure katu Xaxa non etzaten zen gozotan. Ia dena nekien nik txikia nintzela, gauza bat izan ezik: ez nekien nondik sortzen den haizea.
Printzesa txizontzia, Xabier Mendiguren Elizondo: Karolina Potolina printzesak bazuen ezaugarri bat, munduko printzesa guztien artean berezia egiten zuena: txizontzi bat zen, beti eta nonahi pixa egin behar izaten zuena, eta horrek hainbat arazo sortzen zizkion: txikitan, jolasten edo ikasten ari zenean; eta berdin handitu zenean eta Erresumako ardurak hartu behar izan zituenean: militarren desfileetan, dantzaldi dotoreetan, ministro eta abarrekin egiten zituen bileretan, beste zeregin guztiak utzi eta txiza egitera joan behar zuen, lasterka eta korrika. Zer egin? Nola konpondu arazo hori, konponbiderik baldin bazeukan?
