GUIA PRACTICA DO CAMIÑO FRANCES: BIERZO E GALICIA

Antón Pombo, membro fundador da Asociación Galega de Amigos do Camiño de Santiago e sete veces peregrino, excelente coñecedor da Rotas Xacobeas, ofrécenos esta Guía Práctica do Camiño Francés (Bierzo e Galicia), sen dúbida ningunha a máis completa e actualizada de cantas existen. O libro céntrase na última parte do Camiño Francés, a máis coñecida e transitada das vías xacobeas. O tramo do Bierzo e Galicia é, en opinión de todos, non só o máis variado senón tamén o máis agradable de percorrer. Seguindo as pegadas das guías máis clásicas e utilizadas, Antón Pombo, historiador e xornalista especializado en temas turísticos, preséntanos polo miúdo o itinerario berciano e galego, incluíndo tódalas novidades que se produciron desde o Ano Santo de 1993. Trátase, sobre todo, dunha guía práctica dirixida ós peregrinos que avanzan a pé, dacabalo ou en bicicleta cara a Compostela, pero este libro está tamén aberto a todos aqueles que queiran coñecer simplemente algún tramo da rota, así como aqueles que, dispoñendo de coche, se interesen polos aspectos paisaxísticos e monumentais dun itinerario declarado Patrimonio da Humanidade. Ilustrado con fermosas fotografías, cos máis de- tallados e precisos mapas, e aportando unha información práctica sobre aloxamentos e gastronomía de absoluta fiabilidade, esta guía, sabe en cada caso situar e axudar ó viaxeiro, aportándolle, ademais, unha valiosísima información sobre arte, etnografía ou cultura. Son 320 páxinas a toda cor ateigadas de lectura e información de primeira calidade.