📗 Libro en gallego MATEMOLA 2 ED 2013 GALLEGO
ISBN: 9788440312471

Este é o segundo caderno dos seis que forman a colección"Matemola", dirixida aos alumnos de Educación Infantil; o seu obxectivo é establecer unha base sólida para o desenvolvemento do pensamento lóxico-matemático.Neste caderno incoroporamos o número tres, ampliando deste xeito, e de maneira progresiva, o traballo da serie numérica así como a adquisición da noción de"cantidade". Para tratar doutro xeito esta noción, establecemos cuantificacións globais de conxuntos de obxectos (poucos-moitos) e introducimos outro tipo de cuantificador (tantos como/a), que lle esixe ao neno establecer correspondencias.No tocante ás actividades de Lóxica, seguimos a propoñer seriacións e clasificacións a partir de criterios facilmente perceptibles, tales como a forma, a cor e o tamaño; ademais, neste caderno, engadimos cores novas (negra, branca e rosa) e unha forma xeométrica tamén nova (o triángulo). Non obstante, seguiremos a traballar o cadrado e mais o círculo, de maneira que o neno vaia afianzando e relacionando o nome de cada forma co seu correspondente trazo, e que sexa capaz de distinguir unha forma da outra a partir de debuxos ou de obxectos reais.Continuamos ampliando o desenvolvemento espacial a través das nocións (enriba-debaixo; lonxe-preto), presentando sempre obxectos e situacións que sexan coñecidas polo neno. Así mesmo traballamos as medidas do tempo (amodo-á presa) e as de capacidade (cheo-baleiro); dámoslle especial importancia á capacidade de observación e de análise do seu medio.Para rematar, presentamos un xogo de repasar, xeito lúdico, os principais contidos matemáticos que se desenvolveron ao longo do caderno.