Pello Añorga Lopez, página 2 de 4

Kaxa karratuan eskua sartu, eta atera dugu barrutik ez untxi bat, karta bat baizik. Eta harrituta geratu gara Ipuin-kontalariarekin.Arraioa! A zer nolako magoa den! A zer nolako gauzak sortzen dituen!Kote, kote, kote, zer ote, zer ote?Bada, imajinazio eta kreatibitate ikusgarria erabilita, gutxiena espero duguna agertuko digu, txundituta utzi arte gu denok.

Mutilak “nexka” deitzen diote eta horregatik, baztertua eta triste sentitzen da Kevin, oso triste, astoa baino tristeago, zeren bera ez da neska. Horregatik, joan da errekara, ispilutxori galdetzera.

Gioseppo oso zapatari serioa zen. Halako batean, grano bat atera zaio sudurraren puntan,bitxi-bitxia: pinportatxoa. Beldurtu eta ospitalera joango da, eta medikuak esango diotumore bat atera zaiola, tumore on bat. Handik aurrera, bere sudurrarekin ospitaleko haurrakalaituko ditu.

TONTOLAPIKOri barre egiten zioten haurrek: “TONTOLAPIKO, PIKO, PIKO, A ZER MUTIKO BARREGARRIZKO”.

Amets zoragarriak aurkitzen zituzten haurrek Ametsen basoan. Zuhaitzen adarretara igo, urrezko adar bat hartu eta, aski zuten orri ameslari bat ukitzearekin, ametsetan hasteko: ardia eta otsoa lagunak ziren; haizeak sekretuak kontatzen zizkion entzun nahi zituenari; perretxikoak aterkien tamainakoak ziren…

Naturan dagoen prozesurik sinpleena abentura kilikagarri bilaka daiteke idazlearen eskutik eta irudigilearen begiz.Hazi Txiki, ipuin honetako protagonista, hegan arituko da batetik bestera, paraxuta zabalik, harik eta harkaitz handi batzuk ikusi arte. Bertan lur hartuko du. Baina orduan aldaketa harrigarriak gertatuko zaizkio!

[...] hain justu sutara adar ihar gehiago botatzen hasi zenean, itzal bat agertu zitzaion beldurgarri atzeko harkaitzetatik. Hura ustekabea! Eta Gerlari Handia erne jarri zen, beti gerla guztiak irabazten zituen Gerlari Handia. Ezpata zorrotza atera eta oihukatu zuen: Barrabilarik baldin badaukak, azal hadi nire ondora! [...} Gerlari Handia liburua haurrentzako album ilustratuak sortzeko I. Etxepare Bekarekin* saritua izan da 2007. urtean * Etxepare Bekak jatorriz euskaraz idatzitako lanak saritzen ditu. Sariaren asmoa haur literaturako arlo honetan dagoen gabeziari aurre egitea da. Saritutako lana Pamiela argitaletxeak argitaratuko du euskaraz, eta Faktoria K de libros gaztelaniaz eta galegoz (horrek suposatzen duen nazioateko promozioa gure idazle eta ilustratzaileentzat). Abian da jada II. Etxepare beka.

Album zaindua, haurrekin, gazteekin eta helduekin hitz egiteko IZATEAZ eta IDENTITATEAZ.Kontzeptuak hustuta agertzen dira, etiketetatik eta ideologia zurrunetatik harantzago.Album harrigarri honetan, esaten dena bezain garrantzitsua da isiltasuna.Album muy cuidado, adecuado para hablar con los niños, jovenes y adultos sobre el SER y la IDENTIDAD.Una obra vaciada de conceptos, etiquetas e ideologias.Un sorprendente album donde el silencio es tan importante como lo revelado.

ZUNI poema liburua da, Aizkorri argitaletxe honek berak argitaratutako JIRAN-BIRAN deritzan poema liburuaren segidakoa. Liburu hartan, poema laburrak idatzi bazituen Pello Añorgak, oraingoan ere esan daiteke antzera jokatu duela Pellok, bizitzaren dantza erritmikoan sarraraziz, bizitzaren sekretuak elkarrekin konpartitu ditzagun, elkarren arteko hitzaren oihartzunak eta txirikordak burutuz. Alabaina, hori bai, liburu hartan ez bezala, esan daiteke gai nagusi bat dagoela liburu honetan: maitasuna. Izan ere, ZUNI liburua maitasunezko harreman bizian baitago ainguratua, non denbora eta espazioa hartzen den elkarri kantatzeko (12-13 or.), elkar ukitzeko ( 42-43 or.), musukatzeko ( 14 or. ), bidaiatzeko (16-17 or.), hegan egiteko (8 or.), eta abar egiteko, denbora eta espazio zabalean zehar: direla olatuak, dela elurra, dela euria edo ekia, orain txinpartak elkarrekin ereinez, orain argia ilunarekin sustraituz, orain isiltasuna garrasiarekin batera uztartuz. Azken finean, biziaren taupadak gertuago entzun ahal izan ditzagun, elkarrekin, Ni eta Zu, Zu eta Ni, ZUNI, maitasunean.

Arkatza baino zorrotzagoa da Maisu Lopez. Beti aritzen da esan eta esan, lorito baten modura: Irakurri behar duzu asko-asko, irakurri behar duzu asko-asko. Eta, jakina, Amelia dago kokotseraino, matrail hezurreraino... eta dio tinko: -Nik ez dut irakurri nahi!

Pello Añorga idazleak eta Jokin Mitxelena marrazkilariak elkarrekin sortu zuten Birundan saileko laugarren liburua aurkeztu dute: Ahulerio du izenburua eta Aurelio haurraren peripeziak kontatzen ditu.