Sabel de Fausta recueye nesti volume los cuentos que tien escritos en llingua asturiana dende primeros de los años ochenta hasta agora. La mayor parte d'ellos son retratos de la vida cotidiana, escenes tomaes de la cai y en toos ellos destaca la naturalida y fluidez narratives xunta un llinguaxe curiau y asturianisimu. Dalgunos d'estos cuentos recibieron el primer premiu en distintos concursos. Poeta y narradora, Sabel de Fausta ye l'alcuñu col que firma la so obra Isabel Lopez Labrada, nacida en Xixon en 1934. Ye Perita pela Escuela de Comerciu de Xixon. Les dos ediciones de Coples del Antroxu (1983 y 1984) y Mercau de vida, mercau de muerte (1987) son los llibros que tien publicaos hasta agora.
Ye claro que la prosificación de la poesía apóyase na sinceridá creativa -diz l'autor-. El poema faise cola emancipada surxencia de lo espontanio. La obra amiya ansí dende'l saber artísticu hasta la más pura franqueza posible. Les esferes del tiempu son, con eso, amás d'una recopilanza de poemes escritos demientres seis años, un exerciciu repensáu de frañimientu d'amarradures; una continuación del facer poéticu rixida pola necesidá d'espaciu pa la sublimación del idioma. Humberto González (Figareo, Mieres, 1961), publicó los llibros de poemes Augua d'invocación (1988), Poemes en prosa (1992), Hábitat azul (1995), Ámbitu elemental (Trabe, 1997) y Del pais de la caliza (1997).
Los cincuenta y dos poemes en prosa d´esti llibru recreen l´espaciu máxicu de la infancia del poeta, peñeráu unes veces pola distancia qu´imponen los recuerdos, otres pol humor y cásique siempre pola señaldá del tiempu que coló, y que fai creer al poeta que la infancia yera´l tiempu de la felicidá.
Truman
