Atseginez, dibertimenduz eta plazerez irakurtzen den poema liburua da, tematikaren garapenakdinamika erakargarria duelako, eta estiloak naturaltasun eta edertasun minimalista.Gaiari dagokionez, emazte/ama gaztearen hausnarketa ezberdinei ematen die bide, tarteankontziliazioa eta etxekolanen partekatzearen auziari, besteak beste. Sei ataleko egituran zehar,maitasunaren eta desioaren, gizon eta emakumeen erreturekin batera, familiaren eta haur haztearennahiz eguneroko bizitzaren auziak jorratzen ditu ingenio, ironia eta umore fi nez, baina baitasakontasunez ere, liburuan oinazea, ukitu tragikoa eta benetakotasuna nabariak direnez.Poetak bere barneko emozioen adierazpide bilakatzen ditu animaliak, bestiario pertsonal batosatzeraino, tradizioaren, zientziaren, esperientzia kulturalaren eta hausnarketa pertsonalarenemaitza bihurtuz. Liburuaren gaiaren adierazbidea da piztiarioa, hortaz, eta nire hezur arteko zootikateratzen den emea agertzea du xede nagusi.

2023ko Irun Hiriko Kutxa Literatura Sariaren irabazlea Poesia liburu ugari ditu egileak eta, bere azkenekoetan bezala, honetan ere, aurrekoen bidetik, natura, gizakia eta haien arteko harremana dira ardatz nagusiak. Egileak naturaren behaketatik abiatzen den hausnarketa poetikoa egin du liburu honetan, non gizakia bere minari aurrez aurre jartzen zaion, naturan, mezuak eta irakaspenak jasotzeari emana.

Josu Goikoetxeak bere lehenengo poema liburua kaleratu du, "Zer luzea negu hau". Bizitzaren erdi parean dagoen pertsonaren balantze baten antza hartzen zaio batzuetan: guraso zaharrekiko harremana ageri da, alaben erreferentziak ere bai, eta oro har bizitzari emandako begirada heldua, pasatakoen esperientziak emandako soseguarekin baina adimena errealitate berriei pizturik duenaren ernetasunarekin.Ia hogei urte dute poema zaharrenek, eta idatzi berriak dira azkenak, denak datarik gabe doazen arren. Batzuetan nahiz besteetan, sentiberatasun fin bat nabarmentzen da, dotorea, alferrikako enfasirik gabea, gauza txikiei azpildurak ateratzen dakiena eta bizitzan giltzarri diren gertaerei patxadaz eta ironiaz erreparatzen diena.

ZEOZER GAIZKI DOA es un libro del autor CHIVITE EZKIETA,BEATRIZ editado por PAMIELA. ZEOZER GAIZKI DOA tiene un c�digo EAN 9788491723080, de la colecci�n PAMIELA POESIA y consta de 96 p�ginas.

Olerkeria Poemario en euskera

ZAKUR ZAUNKAK

Zaurgarritasunak ekartzen dituen kontraesanekin egingo du topo irakurleak poesia bilduma honen bertso lerroetako askotan. Izan ere, gorputza oso presente dago liburu guztian zehar; gorputzak sistemak dakartzan biolentziekin talka egitean hartzen dituen formak, gorputzen arteko eta gorputz propioarekiko erotismoa, isiltasunen presentzia, gorputzaren suspertzea…aPudorerik gabepetalo beltzez apaindu duzubular biluzia.Negurik ez,azalaren gaineko ihintz usuan.a

Martin Etxeberriak ia 20 urte daramatza poema liburuak kaleratzen, batetik bestera sei bat urteko tartea utziz, eta oraintxe aurkezten duen "Winston" da azkena. Poeta heldu eta ofiziodunaren aztarnak ikus litezke lan berri honetan, baina baita egilearengan ohikoak diren ezaugarriak ere: freskotasuna eta harridura sortzeko gaitasuna, besteak beste.Egunerokotasuna da Etxeberriaren poesiaren lehengaietako bat, baina kostunbrismotik ihesi, irauli egiten du errealitate hori. Surrealismo neurtu bat da beste oinarri bat, irudimena dantzan jartzen duena. Eta horiekin batera erotismoa, erreferentzia kulturalak, umorea… bizitzaren alderdi askotarikoak, begirada jolasti, zintzo eta zorrotz baten iragazkitik pasata.

Castillo Suarez poeta altsasuarrak aurrerapauso bat eman du liburu berri honetan. Aurreko bildumen ildotik (Spam poemak, Bala huts bat, Souvenir), esandakoaren eta esan gabekoaren arteko kontrastearekin jokatzen du, polisemiaz beteriko mezu irekiak erabiltzen, ironia-karga handia duten esaldi biribilak botatzen. Lirismo itxurazkoari ihes egiten dio Suarezek, lerro ebakien teknikari ere uko eginez, poetikotasuna barrurago, sakonago ezkutatzen den zerbait dela frogatuz.

Luis Garderen itzulera, egunaren pausoa dakarren poesia liburu ziur eta hurbilaz.Urrats galduen hotsa dakar udaberri honetan Luis Gardek, zazpi urte igaro direlarik bere azken poesia liburua argitaratu zuenetik. Hurbiltasun eta pauso ziurrez idatzi ditu poemok Gardek, ohikoa duen fineziaz. Eskura ekarritako poemak dira, gertu behar diren horietakoak, egunaren erritmoa dakartenak idatzian. Etxea, landa, auzoa, alabaren hitz atergabeak, zaldi lausoak. Zer gehiago eskatu lekioke apurka udaberria dakarren liburu honi?

https://pamiela.com/media/Unisonoa_fitxa.pdf

Gerezi ederrak gorriak muxuak lez zutzat gordeta. Errepidea suge luzea oso zizarea ni. Goiz eder hura ohe goxoan biok ez dut gogoan.

Argitasunez beteriko liburua idatzi du Aritz Gorrotxategik, izenburuak berak iradokitzen duen moduan. Itsasoak, beroak, aisiak eta Mediterraneoko paisaiek leku nabarmena betetzen dute bertako poemetan, baina ez dira horiek gai bakarrak. Poeta kutunei egindako omenaldiak ere badira: Cesare Paveseri eta Antonio Machadori, besteak beste, baita adiskidetasunari egindako gorazarreak eta gure mundutik joandako pertsona maitatuei eskainitako oroitzapenak ere. Guztia, hitzaren doitasuna eta erritmoaren musikaltasuna mimatzen dituen espresio zainduaren bidez adierazia.

Lehenengo poema-liburua dakar Alaine Agirrek, eta hemen ere nobeletan ezagun egin duten ezaugarriak ikus litezke: hizkuntza eder eta adierazkor baten bilaketa, erritmoaren sena, sentimenduen agerpen gordina, emozioen intentsitateaOraingoan, gainera, gai minbera bat da landutakoa: ospitale psikiatriko bateko egonaldia, hango arau, giltza, ordutegi, ohitura, zaindari eta bezero bereziekin. Dramatismorako ematen duten istorioak, baina umore ukitu batekin poema bihurtuak.

Gaur egun gauzek ez dute hitzik egiten, ahaztu egin omen zaie hizketan Ez ote areago izango gizona dela gauzek zer dioten ulertzen ez duena? Geroztik galdu batasun horren bila dabil txalapartaria, zaldia gorpuztuz zuhaitza jotzen duenean, eta Zaldia gorpuztean, Zaldia bizitzean, zaldi zeharra eta zuhaitz zuta bilakatzen delarik txalapartari bera, bikoiztasuna behingoz bakoiztuz: gelditasuna ibilian, higadura geldi egonean: tturrukuttun. Zaldia zuhaitz, zuhaitz Zaldi. Zaldia lauhazka kanpoan, bihotza taupaka barruan: txalaparta. Txalapartari buruzko Joxan Artze poetaren lanik pertsonal eta originalena.

Urtetan editore izan ondoren, bere lehen sorkuntza-lana kaleratu du Mikel Sotok, kontzientzia politikoa iratzartzea, borroka-urteak, atxilotze, tortura eta kartzelaren esperientziak kontatzen dituena, pasioz bezainbateko sintzeridadez, belaunaldi baten ametsak eta porrotak erretratatuz

Landak eta Marxen burua, makilak eta Iruñeko Gaztelu Plaza, ZIUa eta Louise Michel, 1998ko Gabonak Lisboan, Dragoien batailoia Intxortan. Liburutegiak konpartitzen dituztenak, greba orokorreko egunetatik ahots apurtuekin itzultzen direnak, depilatu gabe sexuaz gozatzen dutenak. Gerra Hotza eta Zizur Nagusia, Ford Escort Nomade gorri purpura eta Audi A4 zuria. Egunerokoaren detaileari erreparatzen dio Hedoi Etxarteren hirugarren poema liburuak.

Poesia-liburu berri bat dakarkigu Joan Mari Irigoienek: ÓSorgin-argien ehizan". Bidaia-kaier baten antzera, Kanariar irletako txokoen tituluak ematen dizkie poemei, baina mamiak ez du hainbesteko zerikusirik hango bazterrekin; izan ere, egileak bere sakoneko kezkak dakarzkigu olerki-itxurapean. Batetik, liburuaren lehen partean, poema sozialak dei ditzakegunak datoz: gerraren eta inperialismoaren arbuioa, injustizia guztien salaketa, handikien kontrako aldarria. Bestetik, bigarren partean, poesia espiritualagoari egiten dio bidea, eta goranahi horren isla da hirugarrengo partea ere, Leiren kokaturikoa eta argitasunezko esperientzia bat kontatzen duena.