📗 Libro en gallego DRAMATURXIA

A dramaturxia é unha disciplina recente, que se ocupa dos procesos que van do texto ao espectáculo e que pode ter as máis diversas orientacións, desde a análise dos textos na súa dimensión escénica ata o deseño virtual do espectáculo.Con todo, as prácticas dramatúrxicas son consubstanciais ao desenvolvemento do traballo teatral, polo que a súa xénese hai que buscala no inicio dos tempos en que a escena se configura como espazo para crear mundos dramáticos. Este libro, que se concibe á maneira dun manual, analiza os aspectos máis substantivos da disciplina sobre os que se sustentan todas esas posibles orientacións.