📗 Libro en gallego O RESPLANDOR PRIMEIRO

O volume ‘O resplandor primeiro’, subtitulado ‘Estudos en homenaxe de Nicomedes Pastor Díaz’, e presentado onte, réndelle tributo a este escritor, político e poeta de Viveiro que foi «un precursor» das letras en galego. A Real Academia Galega (RAG) mostrou onte o volume que recolle todas as palabras pronunciadas o 1 de decembro de 2011, no acto de celebración do segundo centenario do nacemento do versátil viveirense. O presidente da RAG, Xesús Alonso Montero, explicou na presentación que é «un día especial para a Academia», pois ve a luz un traballo que merece a pena por todo o que significa este galego que chegou a ser ministro con Leopoldo O’Donnell en 1856.