Anton Aviles De Taramancos

Nesta Obra viva recollen-se unha série de artigos, conferéncias, discursos e intervencións públicas do poeta de Taramancos escolmados por Ana González. A máxia da sua palabra, asi como a sua xenerosidade sen limites e a defensa apaixoada daquelas cousas nas que el acreditaba, mostran-se dun xeito pleno e luminoso nas paxinas deste livro polo que desfilan os amigos, as lembranzas, as ilusions e as paisaxes do autor de Cantos Caucanos

Tres capitáns de tempos idos é a única peza de teatro e a única obra pensada para o público infantil que deixou Antón Avilés de Taramancos. Escrita na primavera de 1983, coa finalidade de que fose represen-tada polos escolares da Serra de Outes; foi representada en Noia, no mes de xuño do mesmo ano, no seo das primeiras Xornadas de teatro na escola, organizadas pola Asociacion Cultural Catavento. A obra, que permaneceu inedita dende a sua estrea, publicase agora, e por vez primeira, dentro de Xerais Merlin.Organizada en tres lances, e concibida especificamente para ser representada por escolares, Tres capitans de tempos idos constitue unha apaixonante viaxe pola historia da literatura galega; aqui desfilan personaxes como os reis e os trobadores, ou o mesmo Francisco Añon. A presente edicion, que inclue a reproduccion dos figurinos orixinais, debuxados polo propio Aviles, e completase cunha biografia do autor e a historia do devir da peza, preparada pola profesora Pilar Sampedro, a primeira directora que puxo en escena a obra.

Avilés de Taramancos mergúllanos a través dos seus poemas nun cosmos literario sólido e inzado de vivencias.Unha selección dos mellores poemas de Avilés de Taramancos, pertencentes a diferentes obras: As Moradias do vento, A frauta y-o gramelo, Poemas a Fina Barrios. Pequeno canto, Poemas soltos a Maricarme Pereira, Os poemas da ausencia, Nova Cronica de Ulises, Cantos Caucanos, As torres no ar, Ultima fuxida a harar, entre outras.

"Na outra banda do mar constrúen o navío: o martelar dos calafates resoa na mañá, e non saben que están a construír a torre de cristal da miña infancia." Este poemario é un dos cumios creativos do autor, no que a sua lirica amorosa e da saudade resultan mais penetrantes. O libro compoñeno trinta e seis poemas agrupados en tres partes: "Cantos a caron da terra", coa natureza como tema principal, "O cantico das naves" e "A torre secreta", que agrupa textos de amor.

En Nova crónica das Indias deixou pegada Antón Avilés de Taramancos do seu talento como narrador. Este espléndido libro de relatos é unha revisión da Cronica das Indias escrita desde unha voz lírica e telurica; e un canto ao indixenismo a traves da memoria, da terra, da experiencia e da saudade. Aviles de Taramancos, que residiu en Colombia durante vinte anos e foi bo coñecedor das raigames do pobo americano, crea neste libro unha prosa envolvente, cativadora. Desde un sentimento de rebelion contra o poder, presentanos as circunstancias que foron artellando a vida e o pensamento dos pobos indixenas forzados pola evanxelizacion e pola invasion europea, sometidos finalmente, a un proceso de aculturacion. Nova cronica das Indias e unha viaxe, suxestiva e mitica, que percorre as terras americanas da man dun gran narrador que nos ofrece aqui a sua unica incursion na prosa.

A obra poética de Antón Avilés de Taramancos constitúe xa un referente incuestionable dentro do marco da lírica galega contemporánea. A riqueza da súa proposta literaria nace como resposta a unha vida intensa mais formulase como superacion transcendente do mero acontecer biografico.Este volume recolle, por unha banda, unha analise demorada dos aspectos esenciais da obra poetica de Aviles elaborada por varios recoñecidos criticos e creadores. Pola outra, incorpora unha escolma dalguns dos seus poemas mais relevantes en version bilingue galego-ingles, que conforma a seleccion mais ampla da poesia de Aviles traducida a esta lingua ata o momento. Finalmente, ofrece os textos que seis nomeados poetas irlandeses escribiron como resposta a obra do autor de Taramancos, en version ingles-galego.Raiceiras e vento presenta, xa que logo, un interese notable tanto para os amantes da poesia como para os amantes da traduccion literaria, ademais de procurar o establecemento dun dialogo cultural fecundo entre dous paises tan intimamente vencellados: Galiza e Irlanda. O eixe que vertebra o volume e a presencia poderosa e senlleira de Anton Aviles de Taramancos, asi como a certeza sen fisuras de que a sua obra poetica esta destinada a perdurar. O seu nomeamento como autor homenaxeado no Dia das Letras Galegas correspondente a 20...