Xabier Alberdi Larizgoitia

Estilo-liburu honetan, gaur eguneko euskara estandarrean nabaritu ohi diren gramatika-oker, estilo-zalantza eta hiztegi-gorabehera nagusiak aurkituko ditu irakurleak. Lanak bi zati nagusi eta osagarri ditu, eta zati bakoitzak egile bana du. Lehen zatian gramatika-eta estilo-kontuak landu ditu Xabier Alberdi EHUko irakasleak: Hirurogeita zazpi ataletan antolatu ditu zati honetako aztergaiak. Bigarren zatian ('Zalantzen Hiztegia') euskara batuko hiztegi-auziak jorratu ditu Ibon Sarasola EHUko katedradun eta euskaltzainak. Guztira, mila eta bostehun sarrera inguru hautatu ditu hiztegi horretarako. Argitalpen honetan, lehen aldiz, filologo ez den irakurlearen eskura jarri dira han-hemenka sakabanaturik zeuden proposamen, gomendio eta zuzenketa asko eta asko. Liburuaren atal batzuetan Euskaltzaindiak aspaldi honetan emandako arau batzuen testua jaso dugu. Orobat jaso ditugu Euskaltzaindiaren zenbait arau-proposamen. Har bedi ohar hau, beraz, azterlan honetan Euskaltzaindiaren langintzarekin hartu dugun zorraren erakusgarri eta kitagarritzat.

Esku artean duzun argitalpen hau, irakurle, EHUko Euskara Inst. 1998an antolatu zuen sakontze-ikastaro baten emaitza da, eta Euskaltzaindiaren araugintza berria du aztergai. Liburuak sei atal nagusi ditu. Lehenengoa, euskara batuaren araugintzari eta arau kontzeptuari buruzko hausnarketa xume bat da. Bigarren atalean, arau berrien laburpenak aurkituko ditu irakurleak. Hirugarrenean, arauak berak jaso dira: lehenik, erabakia laburbiltzen duen adierazpen orokorra. Laugarren atala 'Hiztegi Batua'ri dagokio: jarraian eta ordena alfabetikoan, A-tik hasi eta 'oihan' hitzerainoko erabaki guzti-guztiak jaso dira, hiztegi batuko hitz guztiak, alegia.

Espezialitate-hizkerak eta terminologia jardunaldiak izan ziren Leioan 2002ko irailaren 16tik 18ra, Euskal Herriko Unibertsitateko Euskara Institutuak antolaturik. Jardunaldi haien sarrera-ekitaldian adierazitako konpromisoetako bat betetzera gatoz oraingo argitalpen honekin. Esku artean duzu, irakurle, orduan agindu genuen hitzaldi-bilduma: liburu honetan dituzu bilduta jardunaldi haietako ekarpen gehienak. Bi arlo nagusi izan genituen aztergai jardunaldi haietan: terminologia eta espezialitate-hizkerak. Eta, hain zuzen ere, arlo bietan aurkeztutako hitzaldi eta komunikazioekin osatu dugu oraingo argitalpen hau.