📗 Libro en gallego A CIDADE DOS CESARES (2ª ED.)

A cidade dos Césares é a historia dun soño, un tráxico canto épico, feito de ilusións e fracasos, protagonizado polas case catrocentas familias que entre 1776 e 1783 embarcaron na Coruña para colonizar as terras ignotas da Patagonia. A cidade dos Césares, que presentamos agora en versión definitiva, fixada e corrixida polo seu autor, é a historia daquela singular aventura narrada en boca do difunto, Basilio Vilariño, piloto da vila Noia, que dialoga nestas páxinas co seu amigo e compañeiro de expedición, o gaiteiro Chinto de Muras.Víctor F. Freixanes preséntanos en A cidade dos Césares unha novela témera, desacougante, torrencial, ateigada de lirismo e humanidade: novela coral, escrita nunha linguaxe extraordinariamente rica, chea de musicalidade, que se mergulla na historia para recuperar a memoria da primeira emigración masiva de galego ás Américas. Un dos grandes textos da literatura galega contemporánea.
Víctor F. Freixanes é escritor, xornalista e editor. É autor de obras significativas no xornalismo: Unha ducia de galegos (1976), Memorias dun fuxido (1980), no ensaio: Galicia. Unha luz no Atlántico (Xerais, 2001) e mais dalgúns títulos sobranceiros na novelística galega contemporánea: O triángulo escrito na circunferencia (1982), O enxoval da noiva (1988) e A cidade dos Césares (Xerais, 1993 e 2002).