📗 Libro en asturiano CUENTOS COMPLETOS

Una de les personalidaes más destacaes del Asturianismu de primeros del sieglu XX ye Emilio Robles Muñiz, que popularizó l´alcuñu de Pachín de Melás. Autor teatral y de monólogos, novelista, poeta, editor y periodista, esti escritor naciera en Xixón en 1877 y morrió na cárcel d´El Coto (tamién en Xixón) en 1938, prisioneru de los franquistes. La edición que presentamos de los cuentos completos lleva una introducción de Milio Rodríguez Cueto, qu´analiza los aspectos más destacaos del autor: la vida, la llingua, la técnica narrativa, etc. El llibru recueye toles narraciones de Les veyures de Pinón, editáu en 1909, ún de los pocos llibros de relatos del Asturianismu. Pero tamién se publiquen equí otros tres testos poco difundíos: dos monólogos en prosa y un cuentu impresu en 1911 que d´entós p´acá nunca nun se volviera reeditar. Nellos va atopar el llector una visión idealista d´Asturies, rural y allegre, irónica, descrita con eficacia y señaldá, con amor a la patria, con verdadera mayestría, llogrando dalgunes de les meyores páxines de prosa lliteraria d´esta llingua.