📗 Libro en gallego O FIN DUN CANTO

A alianza entre a poesía revolucionaria con aqueloutra de luxos sensoriais continúa mostrándose en tódalas súas posibilidades. A reivindicación política, a nostalxia polo paso do tempo, a paixón erótica... son eixos temáticos tratados sempre desde un dominio excepcional dos recursos expresivos da linguaxe. O profesor e crítico Vicente Araguas preparou a edición do presente poemario que como na orixinal de 1982, publicado pola Editorial Nós, está organizado en tres partes: "Salutación ás aigues", "Sombra de marbre e viño" e "As escuras estancias". O fín dun canto é unha obra fundamental na poética ferriniá dos anos oitenta, afondando no mundo clásico e tamén cunha carga superior de nostalxia doutras súas obras anteriores, sen desbotar todo canto de revolución-revelación que aparecería en Con pólvora e magnolias ou na Poesía enteira de Heriberto Bens.