La bona intención ye una sutil aventura introspectiva. Les ventanes qu'abre esti llibru allumen un espaciu que ye personal pero que ye'l de cualesquiera. El llector va facer nes sos páxines un viaxe al corazon de les hores y les coses, al infatigable y firiente cursu de los dies, a los intorgables daños y engaños que'l pasu y el pesu del tiempu aveza a dexar en nos. Somos de fixo una suma de negaciones y afirmaciones y nada como les pallabres pa ser quien a interpretar los nuestros silencios. AUTOR Xose Bolado (Uvieu, 1946), llicenciau en Filoloxia Romanica y academicu de la Llingua Asturiana, ye autor d'estudios y ediciones sobre lliteratura asturiana y castellana, ente los que destaquen Antoloxia poetica del Resurdimientu (Ateneu Obreru de Xixon, 1989) y los cinco volumenes de la Obra Reunida de Rosario de Acuña y Villanueva (KRK, 2007-2009). Publico tamien llibros de poesia en castellanu y asturianu: Linea imperceptible al temor (Ateneu Obreru de Xixon, 1988); Conxura contra la decadencia (Llibros del Pexe, 2002) y Na estacion de los relevos (Llibros del Pexe, 2006). Emilio Coco traduxo y publico n'italianu, nos Quaderni della Valle de Bari, dos titulos de Xose Bolado: Nomade (1991) y Antologia poetica (2005), esta n'edicion billingue.
Toles histories tienen una hestoria tapecida, escondida: esto ye lo que se demuestra nesta serie de ficciones, afilvanaes nel fusa d''una mesma obsesión, onde la confidencia cortés se tresforma, de dalguna manera, en delacion: cuentase, por acio d''una tresparencia indebida, incluso lo que nun se quier contar. Escrita cola retorica de los timidos, cola pasion de los que piensen que la frase dicha en solucion d''hamonia equilibra''l caos del mundu, esta nueva entrega de Xuan Bello - dificilmente clasificable genericamente, pero que raspia conscientemente les estayes irreales de la novela - vuelve a plantear, col rigor del vivisector, la paradoxa de quien sabe que pertenez a una tierra onde ya nada-y pertenez. Persones que cambien de bandu por ser lleales a elles mesmes nel momento precisu nel que pierden la fe, una estancia nun llugar del Bierzo, la sombra inquietante de la muerte, la tentativa del misterio, la pasion pola lliteratura... Estos son dalgunos de los ingredientes d''esta obra poblada de pantasmes - reales y imaginaos, vivios y llenos- que nun ha dexar indiferente, de nenguna manera, al llector.
Florenta es una gata poeta que vive nuna vieya bufarda desde donde ve el mundo y escribe poemes. Gústa-y facer coses, va al mercáu, llee nes biblioteques y el so maxin al debalu vuela.
La protagonista d’esti cuentu ta acabante descubrir lo prestoso que ye facese mayor na ciudá pero, por circunstancies, tien que marchar cola so familia a vivir nel campu. Ella pensaba qu’ellí l
Truman
