CONTOS DE MAXIA III
CONTOS DA TRADICIÓN ORAL DE GALICIA
Edicións Xerais - 9788483025529
Sinopsis de CONTOS DE MAXIA III
Nestes contos de maxia, novos contos marabillosos un protagonista, que adoita ser un mozo ou moza, ten que pasar diversas probas e enfrontarse a grandes perigos. O protagonista conta para iso con axudantes sobrenaturais, que poden ser mortos agradecidos, como tal, ou animais máxicos (o paxaro que fala, o carneiro), e con obxectos máxicos: espadas, gaitas que fan bailar a todos, cunchas ás que hai que obedecer, mantas que voan, burros que cagan diñeiro, unha orella do demo. Nos contos marabillosos hai sempre polo menos un opoñente ou adversario moi malo e case sempre sobrenatural (o demo ou dema, unha meiga, un encanto, un ogro ou xigante). E, normalmente, final feliz. No volume Contos de maixa III, ilustrado por Xesús Balboa, reúne catro contos: «Os tres pelos do demo», conto concomitante coa historia bíbilica de Moisés, presente en versións miñotas e outras peninsulares; «Os amigos na vida e na morte», conto marabilloso no que un amigo visita a outro no Paraíso; «O afillado da morte», moi presente na literatura culta europea e nas coleccións máis coñecidas de contos de tradición oral nas que a Morte adoita facer a función de padriño; e «Os dous xemelgos», onde dous rapaces protagonistas, dous cabalos e dous cans nacen por comeren os seus proxenitores un peixe máxico.
Ficha técnica
Ilustrador: Xan Balboa
Editorial: Edicións Xerais
ISBN: 9788483025529
Número de páginas: 72
Encuadernación: Tapa blanda
Fecha de lanzamiento: 10/10/2000
Año de edición: 2000
Plaza de edición: Es
Colección: INFANTIL E XUVENIL - CABALO BULIGÁN - Contos de maxia
INFANTIL E XUVENIL - CABALO BULIGÁN - Contos de maxia
Alto: 24.0 cm
Ancho: 17.0 cm
Grueso: 0.5 cm
Peso: 170.0 gr
Especificaciones del producto
Escrito por XOAN RAMIRO CUBA y Antonio Reigosa
Antonio Reigosa (Zoñán, Mondoñedo 1958) é escritor, investigador e divulgador da nosa cultura popular. Cronista oficial de Mondoñedo. Traballa como responsable de Comunicación e Xestión Cultural da Rede Museística Provincial de Lugo. Cofundador de Chaira, grupo de Investigación Etnográfica, ten participado en proxectos de investigación sobre literatura oral. Tamén é coautor, xunto con Xosé Miranda e Xoán Ramiro Cuba, do "Dicionario dos Seres Míticos Galegos" (Xerais 1998) e dos vinte volumes dos contos da colección Cabalo Buligán (Xerais 1998-2003) recollidos da tradición oral. Así mesmo, é coautor dos volumes "Contos colorados. Narracións eróticas da tradición oral galega" (Xerais 2001), "Pequena mitoloxía de Galicia" (Xerais 2001), "Cando os animais falaban" (Xerais 2002), "Arrepíos e outros medos" (Xerais 2004) e "Antoloxía do conto galego de tradición oral" (2002). Xunto coa ilustradora Noemí López, publicou os álbums "Guía ilustrada da Galicia invisible" (Xerais 2010) e "Trece noites, trece lúas. Libro das marabillas do Nadal" (Xerais 2011). Como autor de literatura infantil publicou: "Memorias dun raposo" (Xerais 1998), novela, Premio Merlín; "Resalgario" (Xerais 2001), novela, Premio Raíña Lupa de literatura infantil 2000; "O galo avisado e o raposo trampulleiro" (Xerais 2003); "Bacoriño" (Xerais 2004); "O aprendiz de home do saco" (Xerais 2013) e "O raposo aviador que voa sen motor" (Xerais 2019). En 2014 preparou a edición de "Galicia Encantada. O país das mil e unha fantasías", e xunto con Antonio García Teijeiro publicou "Lendo lendas, digo versos" (Xerais, 2015), Premio Gala do Libro Galego 2016 (Iniciativa Bibliográfica) e Lista de Honra do IBBY, 2018.
Descubre más sobre Antonio Reigosa Opiniones sobre CONTOS DE MAXIA III
¡Sólo por opinar entras en el sorteo mensual de tres tarjetas regalo valoradas en 20€*!
