📗 Libro en euskera GRIMM ANAIEN IPUINAK

...Amaordeak esan zion: -Bota dinat, ba, erretilukada bat dilista errauts gainera, bi orduko epean dilistak berriz jasotzeen baldin baditun, jaira joatea izango dun. Neskatxa lorategira joan zen atzeko atetik, eta hots egin zuen: -Usotxo otzanak, usapalak, zeru azpiko txoritxo guztiak, zatozte eta lagun iezadazue dilistak batzen, onak eltzera, txarrak golkora. Orduan sartu ziren sukaldeko leihotik bi usotxo zuri, eta gero usapalak, eta azkenik zeru azpiko txori guztiak burrunbaka eta hegaldaka jira eta bira, eta errautsen gainean pausatu ziren. Eta usotxoek burua makurtu zuuten eta hasi ziren pik, pik, pik, pik, eta ale on guztiak erretiluan utzi zituzten. Ordu bete pasa orduko bukatu zuten eta berriz kanpora hegaldatu ziren. orduan neskatxak erretilua eraman zion amaordeari eta pozik zegon, eta uste zuen orduan bai, jaira joatea izango zuela. Baina amaordeak esan zuen...