HISTORIETAS D´UN LUGAR D´AS CINCO VILLAS

Historietas d'un lugar d'as Cinco Villas ye o emotivo y bonico retrato costumbrista d'un lugar y d'una comarca aragoneses. Gracias a José Arbués –de casa Possat de Funcalderas–, que dende nino ha feito orella a ixas historias que se contaban alredor d'o fogaril, a o tresaire d'os carasols, u que él mesmo vivió, asistimos a una gran polifonía de voces, voces que nos conducen como si fueran una maquina d'o tiempo en un viache de ciento cincuanta años. Asinas, sabemos d'os carlistas, d'a guerra d'Africa u d'a Guerra Cevil, pero tamién d'a idiosincrasia d'una chen apegada a la tierra, aspra y dura, que viyó cómo o mundo tradicional se'n iba, fatín-fatiando, sin que denguno parara cuenta.Por tot ixo este ye un libro que cal leyer. Pero, amás, cal aponderar o feito de que se trata d'o primer testimonio literario, y modelico, d'esta variedat aragonesa, tan meridional. Y ixo, amigo lector, en plena globalización, ye una magnifica noticia.