📗 Libro en gallego NA FOGUEIRA DOS VERSOS (21ª ED.)

Na fogueira dos versos, poemario que presenta Xerais na súa colección Merlín (de 13 anos en diante), foi premiado, por unanimidade, por un xurado de lectores, que destacou a pureza e sinxeleza dos 29 poemas que o compoñen. Garcia Teijeiro establece un xogo poético, partindo de versos escollidos dunha longa nómina de poetas desenvolve, recrea e reiventa, como xa fixera nalgún poema de Lueiro de papel �publicado tamén na colección Merlín�, o motivo escollido que figura no epígrafe. Teijeiro, pois, establece un diálogo creativo cos poetas da nosa tradición (Martín Códax, Eduardo Pondal, Rosalía de Castro, Manuel Curros Enríquez, Celso Emilio Ferreiro, Luís Pimentel, Manuel Antonio, Luís Amado Carballo, Ramón Cabanillas, Álvaro Cunqueiro, Uxío Novoneyra, Lorenzo Varela, Xosé Mª Álvarez Blázquez, Aquilino Iglesia Alvariño, María Mariño, Xohana Torres, Luz Pozo Garza...) do que nace unha voz propia, distinta. Poemas, que en palabras da profesora María Dolores Torres París, �constitúen pequenas xoias literarias, onde se imbrican a espontaneidade e a reflexión, a cultura e a sensibilidade�.