Raíñas co nome do lobo, o Pico Sacro, reis sobrenaturais, Fisterra, montes e bosques sagrados, o Monte Pindo, fontes milagrosas, Iria Flavia, o Outro Mundo, o Códice Calistino, o río Tambre, mulleres que conceden a soberanía, San Patricio, San Andrés de Teixido, deuses e santos a cabalo, embarcacións sobrenaturais... Moitos son os personaxes e episodios que aparecen nos relatos da translación dos restos do apóstolo Santiago a Galicia. Insuficientemente estudados, estes elementos foron denigrados polo cristianismo, que os converteu en mostras palpables de paganismo. Este estudo de investigación tenta, recorrendo a diversas fontes, desvelar as claves que permitan comprender mellor os episodios que rodean o nacemento do fenómeno xacobeo. En definitiva, indagar na fascinante historia de Santiago... antes de ser Santiago.

Dirixido a todas as persoas interesadas na historia do pensamento e de gran utilidade como material complementario para as materias da Filosofía e Historia no Bacharelato, este estudo profundiza en aspectos singulares do pensamento e obra de Eloy Luis Andre.

Contén ilustracións, fotografías en branco e negro e cor

Milagres e mendigas polo Camiño de Santiago é unha investigación sobre as ideas relixiosas e a vida cotiá de xentes que vivían preto do Camiño de Santiago, entre Santo Domingo de la Calzada e Burgos, no seculo XVI, nun momento de crise da peregrinacion a Compostela. Baseandose en documentos ineditos e adoptando os metodos dos estudos microhistoricos, Calvo Salgado presenta unha analise detallada do acontecido a varias mulleres que dician ter sido curadas milagrosamente de graves doenzas. Este traballo fornecenos dun material de enorme interese para unha mellor comprension da evolucion da relixiosidade popular, da literatura de milagres e da propia historia das mulleres.