Si hai una lliteratura que n'Asturies tien públicu y ye quien a amestar lo nuevo y lo vieyo, la tradición autóctona y lo llegao de fuera, esa ye la lliteratura d'humor. Hasta hai bien poco esta yera una lliteratura d'homes: hubo qu'esperar al añu 2007 con Ente muyeres p'arrexuntar un puñadín curiosu de monólogos y lliteratura humorística escrita por muyeres. Agora, una de les autores ellí incluyida, Cristina Muñiz Martín, xunta nesti volume los monólogos escritos pa echar nel programa de la TPA Al aldu, na sección titulada «La risión». Con una mirada irónica pero amable, l'autora d'estos monólogos va esgranando la vida na Asturies d'anguaño, apurriendo nueves temátiques y una visión «de muyer» a un xéneru masculín por tradición. Cristina Muñiz Martín (Xixón, 1953) ye amás de narradora, escritora de guiones radiofónicos y amante del teatru. Tien publicaos nesta editorial dellos volúmenes de cuentos (Onde pisen poques güelles, 2005; El buscador d'hestories, 2007 y Kárias, 2008), y la novela Ventiocho díes (2008). Amás d'esto, hai poco estrenóse nel mundu de la lliteratura infantil con Dingurindaines y La pota encarnada (2010).
Nesti cantar de los cantares populares que tenemos ente les manes enllenu cosadielles amoroses y erótiques, tituláu "Y nun ye picardía", del que bien podía decisa que tien una facedora, Montserrat Garnacho, llista como un esguil, cola mesma capacida de recopilacion que l fiu mas estudiau del rei David. Y ademas, muncho mas namorada de lo popular. Cosadielles fermoses y de munchos llugares, buscaes con cariñin y respetu por Monserrat. Alcontraes lloñe unes y mas cerca les otres, tienen dientro les esencies del pueblu, envueltes delles veces nun probe vocabulariu porque probes son les ferramientes del probe...
Esi burrín, atáu a les afueres de Tazones, miraba atristayáu a los coches que pasaben. Alcuérdome que mio padre aparó l coche y dímos-y un trozu de pan. Yo yera pequeñu pero nun se m olvida cómo fuxi
Xurde Amante, el protagonista que nos cuenta la historia, y los collacios Pablo Sierra y Andrés Collado, estudiantes d un colexu de prestixu qu esfruten cola lliteratura d aventures y de xéneru, formen el Club de los Valientes col oxetivu de desfacer entuertos. Nun van tener qu esperar muncho pa que-yos salgan desa paiciones y otros misterios pa resolver.
Como narrador, Antón García aprovecha cualesquier material: anécdotes d´escritores de sieglos pasaos, histories familiares sorprendentes, vides entrañables marcaes pol desconsuelu, la rareza o la llocura, o él mesmu, que se presenta en dalgunos rellatos d´esti llibru como un personaxe más. Nun sabemos si estes histories son ficción o realidá, pero al acabar de lleeles decatámonos de que detrás d´elles hai vida o, meyor,munches vides, unes veces narraes con un apunte curtiu y economia de medios y otres de manera minuciosa.
Pablo Antón Marín Estrada apurre nesti nuevu llibru una gaviella de relatos que dexen el tastu dulce y antiguu de les histories, fechos y asocedíos de tresmisión oral, aquellos que se contaben antaño a la par del fueu. Y eso que lautor mece equi maxistralmente los tiempos y la ficcion cola non ficcion, pero siempre gastando namas que les pallabres precises y un migayu desa rara materia de la que tan fechos los suaños, los del autor y los de los llectores. Norde y conciertu, vamos sabiendo coses y casos de llugares, domines y tipos de toa especie y condicion. Dexense ver per estes paxines xente como Lady Godiva y Superman, Ulises y Elvis Presley, Emily Dickinson y Lluis de Baviera, Don Juan Uria y Antonio Machin, Faustino Goico Aguirre y la Virxe de Cuadonga, la vaqueira entendida y lultimu vendedor denciclopedies. Pasen y llean.
La protagonista d’esti cuentu ta acabante descubrir lo prestoso que ye facese mayor na ciudá pero, por circunstancies, tien que marchar cola so familia a vivir nel campu. Ella pensaba qu’ellí l
