Si hai una lliteratura que n'Asturies tien públicu y ye quien a amestar lo nuevo y lo vieyo, la tradición autóctona y lo llegao de fuera, esa ye la lliteratura d'humor. Hasta hai bien poco esta yera una lliteratura d'homes: hubo qu'esperar al añu 2007 con Ente muyeres p'arrexuntar un puñadín curiosu de monólogos y lliteratura humorística escrita por muyeres. Agora, una de les autores ellí incluyida, Cristina Muñiz Martín, xunta nesti volume los monólogos escritos pa echar nel programa de la TPA Al aldu, na sección titulada «La risión». Con una mirada irónica pero amable, l'autora d'estos monólogos va esgranando la vida na Asturies d'anguaño, apurriendo nueves temátiques y una visión «de muyer» a un xéneru masculín por tradición. Cristina Muñiz Martín (Xixón, 1953) ye amás de narradora, escritora de guiones radiofónicos y amante del teatru. Tien publicaos nesta editorial dellos volúmenes de cuentos (Onde pisen poques güelles, 2005; El buscador d'hestories, 2007 y Kárias, 2008), y la novela Ventiocho díes (2008). Amás d'esto, hai poco estrenóse nel mundu de la lliteratura infantil con Dingurindaines y La pota encarnada (2010).
Xurde Amante, el protagonista que nos cuenta la historia, y los collacios Pablo Sierra y Andrés Collado, estudiantes d un colexu de prestixu qu esfruten cola lliteratura d aventures y de xéneru, formen el Club de los Valientes col oxetivu de desfacer entuertos. Nun van tener qu esperar muncho pa que-yos salgan desa paiciones y otros misterios pa resolver.
Como narrador, Antón García aprovecha cualesquier material: anécdotes d´escritores de sieglos pasaos, histories familiares sorprendentes, vides entrañables marcaes pol desconsuelu, la rareza o la llocura, o él mesmu, que se presenta en dalgunos rellatos d´esti llibru como un personaxe más. Nun sabemos si estes histories son ficción o realidá, pero al acabar de lleeles decatámonos de que detrás d´elles hai vida o, meyor,munches vides, unes veces narraes con un apunte curtiu y economia de medios y otres de manera minuciosa.
Pablo Antón Marín Estrada apurre nesti nuevu llibru una gaviella de relatos que dexen el tastu dulce y antiguu de les histories, fechos y asocedíos de tresmisión oral, aquellos que se contaben antaño a la par del fueu. Y eso que lautor mece equi maxistralmente los tiempos y la ficcion cola non ficcion, pero siempre gastando namas que les pallabres precises y un migayu desa rara materia de la que tan fechos los suaños, los del autor y los de los llectores. Norde y conciertu, vamos sabiendo coses y casos de llugares, domines y tipos de toa especie y condicion. Dexense ver per estes paxines xente como Lady Godiva y Superman, Ulises y Elvis Presley, Emily Dickinson y Lluis de Baviera, Don Juan Uria y Antonio Machin, Faustino Goico Aguirre y la Virxe de Cuadonga, la vaqueira entendida y lultimu vendedor denciclopedies. Pasen y llean.
La protagonista d'esti cuentu ta acabante descubrir lo prestoso que ye facese mayor na ciudá pero, por circunstancies, tien que marchar cola so familia a vivir nel campu. Ella pensaba qu'ellí la vida diba ser tamién igual o más prestosa que lo yera na ciudá, pero... Quien s'anime a adientrase nesti preciosu llibru -precisamente escritu pola poeta Berta Piñán y guapamente ilustráu por Alberto Pieruz- va garrar fuerte la mano de la protagonista pa facer un viaxe aniciáticu onde nun faltarán les sorpreses pero, sobre too, delles llecciones vitales qu'enxamás va escaecer.
La infancia nun ye un paraísu; crecer consiste en descubrir nueves razones pal mieu. Estes dos sentencies enxariéllense de contino nel trescursu de Verdá o consecuencia, narración señaladamente autobiográfica del despertar a la vida d´un neñu formáu nel Xixón periféricu de los setenta.
Dos noveles curties y siete cuentos axunta Adolfo Camilo Díaz nesta espléndida obra caracterizada pola radicalidá: tanto ética como estética, que ruempe col discursu y la manera de facer dominantes. Escritos en tiempos bien distintos —dende 1982 hasta l'añu 2000—, la ironía, la tresgresión, un ciertu feísmu, la capacidá pa construir personaxes arquetípicos y asitialos onde, aparentemente, menos deben tar, son delles de les característiques que destaquen en cada ún d'estos sorprendentes relatos. A pesar de la variedá temática del llibru, hai una palabra que pue definir el conxuntu: compromisu. Compromisu pa cola realidá actual, pa col pasáu y, poro, pa col tiempu por venir. Y too ello tresnao de violencia cotidiana
