Pedra sobre pedra sitúase no momento da construción do Pórtico da Gloria, co Mestre Mateu «afanado en protexer a evolución e remate» da súa grande obra que, malia todos os atrancos, chegou aos nosos días como unha das máis impresionantes mostras escultóricas do Románico europeo.
Negra Sombra! Negra Sombra e outros contos comeza cunha historia que chega setenta e catro anos despois de terse producido. Un asasino tenta, xa enfermo terminal, desfacerse dos seus horríbeis crimes. Xuntarase cos falanxistas de Tui nos dias do 36 e con eles participa en mortes e torturas sobre homes e mulleres de esquerdas. Unha confesion que chega por medio de cartas para abrir con elas, de novo e sorpresivamente, a Historia.
O concello de Dodro organiza desde hai trinta e un anos o premio que leva o nome do poeta da xeración dos 80 Eusebio Lorenzo Baleirón. Desta volta o poemario Cando menos a derrota do poeta da Limia Xabier Xil Xardón, foi a escollida polo xurado que compuñan os poetas Anxo Angueira, Xiana Arias, Neves Soutelo e Miro Villar. Valorou que na obra se atope "o fío condutor claro e a épica máis ousada das tres finalistas". Segundo o autor, natural das terras de Morgade: "Este poemario leva o selo de todos os que levamos a bagaxe da Limia e do que esa terra perdeu, pero amplíase para ser unha metáfora de todas as perdas do país galego, que debemos recuperar".
Sotelo Blanco Edicións publica CÓDIGO POÉTICO de María N. Soutelo Vázquez, obra gañadora do XX Premio de Poesía Eusebio Lorenzo Baleirón, convocado polo Concello de Dodro e coordinado por Helena Villar Janeiro. O xurado deste XX Premio estivo formado por Arturo Diaz Diaz (presidente), Anxo Franco (secretario) e os vogais Marica Campo, Antia Otero, Xesus Rabade Paredes e Rafa Villar.
Truman
