María Mariño faleceu o 19 de maio de 1967. En 2007 dedícaselle o Día das Letras Galegas, corenta anos despois da súa morte e cando se celebra tamén o centenario do seu nacemento. María Mariño chega no ano 1947 a Parada do Courel, onde coñece ao poeta Uxio Novoneyra, circunstancia que provocara o xurdimento dunha das voces mais sorprendentes da lirica galega. No ano 1963 publica, cun limiar de Otero Pedrayo, o libro Palabra no tempo, despois escribira os versos que compoñen Verba que comenza (1990), publicado postumamente.
Unha escolma que pretende devolver á luz unha obra lírica xa no seu día loada por Vicente Risco. A poesía de Eladio Rodríguez González (1864-1949) viuse escurecida pola magnitude do seu labor como autor do Diccionario enciclopedico gallego-castellano. Para Xesus Alonso Montero, responsable desta edicion, a sua obra lirica esta impregnada de emocion e dignidade literaria. Alonso Montero fai un achegamento a vida e a obra do autor dos poemas para continuar cunha seleccion das suas obras agrupadas segundo os temas tratados.
A interelación entre vida o obra de Manuel Lugrís Freire queda perfectamente establecida na Antoloxía que, da súa obra literaria e xornalística, realizou Xabier Campos Villar. Para coñecer un autor e preciso afondar en ambos os dous aspectos. Esta escolma, amais de ser un complemento da obra de Manuel Lugris Freire: unha biografia, conten unha sintese bioblibliografica, unha explicacion dos textos escolmados e unha completa bibliografia. Dese xeito facilitase ao lector a procura da circunstacia na que foi concibida a multifacetica obra de Lugris Freire. A Antoloxia recolle textos das suas dirferentes epocas vitais (dende 1885 ata 1931) e dos diversos xeneros nos que traballou ( poesia, prosa, teatro, xornalismo e oratoria).
Avilés de Taramancos mergúllanos a través dos seus poemas nun cosmos literario sólido e inzado de vivencias.Unha selección dos mellores poemas de Avilés de Taramancos, pertencentes a diferentes obras: As Moradias do vento, A frauta y-o gramelo, Poemas a Fina Barrios. Pequeno canto, Poemas soltos a Maricarme Pereira, Os poemas da ausencia, Nova Cronica de Ulises, Cantos Caucanos, As torres no ar, Ultima fuxida a harar, entre outras.
Sotelo Blanco Edicións festexa o seu vinte e cinco aniversario con esta Antoloxía poética Leliadoura (1985-1997) na que se recompilan poemas de cada un dos trinta e oito volumes publicados dentro desta emblemática colección por nomes senlleiros da lírica galega.
